छत्तीसगढ़ हाट पंडरी म लगिस हाथकरघा अउ हस्तशिल्प कला के प्रदर्शनी

अंजोर.रायपुर, 11 अगस्त। राजधानी रायपुर के पंडरी हाट बाजार म छत्तीसगढ़ी पारंपरिक हाथकरघा वस्त्र अउ हस्तशिल्प कला के संगम बने हावय। इहां छत्तीसगढ़ी पारंपरिक हाथकरघा वस्त्र अउ ग्रामोद्योग के जिनिस लोगन ल लुभावत हावयं। पंडरी हाट बाजार म बीते 7 अगस्त राष्ट्रीय हाथकरघा दिवस के मउका म हाथकरघा वस्त्र अउ हस्तशिल्प कला के नौ दिवसीय प्रदर्शनी आयोजन करे गे हावय। ये प्रदर्शनी 15 अगस्त तक चलेगी। प्रदर्शनी म छत्तीसगढ़ राज्य के पारंपरिक हाथकरघा वस्त्र अउ विविध शिल्प प्रदर्शन-सह-विक्रय के खातिर छूट के संग बने कीमत मिलत हावयं। हाथकरघा वस्त्र अउ हस्तशिल्प कला प्रदर्शनी म सजावटी समान के संग रोज के उपयोग के सामान अउ कपड़ा हावय। 

प्रदर्शनी म बुनकर अउ शिल्पकार डहर ले तइयार करे गे राज्य के पारम्परिक वस्त्र सहित छत्तीसगढ़ राज्य के ढोकरा हस्तशिल्प, लौह शिल्प, काष्ठ शिल्प, बांस शिल्प, गोदना शिल्प, शीसल शिल्प, टेराकोटा शिल्प, भित्ती चित्र, पत्थर शिल्प, कौंड़ी शिल्प, तूम्बा शिल्प अउ हाथकरघा वस्त्र म कोसा सिल्क, टसर सिल्क, कॉटन के ड्रेस मटेरियल, साड़ी, टुपट्टा, चादर, बेडशीट अउ खादी कपड़ा अउ ग्रामोद्योग डहर ले बने सामान लोगन ल आकर्षित करत हावय। ये प्रदर्शनी बिहनिया 11 बजे ले रात 9 बजे तक लोगन के खरीददारी खातिर खुले हावय।