केंद्रीय जनजाति मंत्री मुंडा ह जगदलपुर एयरपोर्ट म करिन ट्राईफेड के आउटलेट के सुरूआत

अंजोर.रायपुर, 27 अगस्त। केंद्रीय जनजाति मंत्री अर्जुन मुंडा ह जगदलपुर के मां दन्तेश्वरी एयरपोर्ट म ट्राईफेड के आउटलेट दुकान के शुभारंभ करिन। ए आउटलेट म बस्तर के कलाकार डहर ले बने बेलमेटल कलाकृति, कपड़ा, वन्यव जिनिस के प्रदर्शनी सह-विक्रय के खातिर रखे गे हावय। सांसद बस्तर दीपक बैज ह ए मउका म किहिन के एयरपोर्ट म खुले ए आउटलेट ले आने वाला आगंतुक ल बस्तर के कलाकार डहर ले बने जिनिस के एक जगह म मिले ले सहूलियत होही संग ही बस्तर के कला के व्यापक स्तर म प्रचार-प्रसार होही। येकर सउहे या अप्रत्यक्ष लाभ इहां के कलाकार ल मिलही।

इये मउका म महापौर श्रीमती सफिरा साहू, ट्राईफेड के प्रबंध निदेशक प्रवीर कृष्ण, बस्तर संभागायुक्त जी.आर. चुरेन्द्र, कलेक्टर रजत बंसल, पुलिस अधीक्षक जितेंद्र मीणा सहित जनप्रतिनिधि अउ अधिकारीगण उपस्थित रिहिस।