नाचा ल मिलिस ‘ग्लोबल कम्युनिटी ऑस्कर अवार्ड ’ऑर्गनाइज़ेशन ऑफ़ द ईयर’, मुख्यमंत्री दाऊ भूपेश बघेल दीस बघाई

अंजोर.रायपुर, 31 अगस्त। उत्तरी अमेरिका छत्तीसगढ़ एसोसिएशन (नाचा) ल अमेरिका म 10 वां वार्षिक ग्लोबल कम्युनिटी ऑस्कर अवार्ड समारोह म ‘ऑर्गनाइज़ेशन ऑफ़ द ईयर’ ले नवाजे गे हावय। ये कार्यक्रम 28 अगस्त के शिकागो म केऊ वैश्विक समुदाय के नेता अउ यूएसए राजनेता मनके उपस्थिति म आयोजित करे गिस। मुख्यमंत्री श्री बघेल ह ग्लोबल कम्यूनिटी ऑस्कर अवार्ड ले सम्मानित करे जाये म नाचा के सबो सदस्य मन ल बधाई दीस। ओमन किहिन हावय के छत्तीसगढ़ समृद्ध संस्कृति अउ लोक परम्परा म रचे-बसे प्रदेश हावय, जेकर खूबी ल देश-दुनिया तक पहुंचाना हर छत्तीसगढ़िया के गौरव हावय। नाचा विश्व म छत्तीसगढ़ के सांस्कृतिक वाहक बने रिहिन हावय, ये छत्तीसगढ़ के खातिर खुशी के बात हावय।

अमेरिका के वरिष्ठ सांसद (हाउस ऑफ़ रिप्रेंज़ेटेटिव्स) डैनी डेविस ह अंतर्राष्ट्रीय संगठन अमेरिकन मल्टी एथनिक कोएलिशन अउ मल्टी एथनिक अमेरिकन टास्क फोर्स के संग सामुदायिक वैश्विक पुरस्कार के प्रायोजित करिन। छत्तीसगढ़ी एनआरआई एसोसिएशन ऑफ द ईयर के विकास ल देखत येकर चयन करिन हावय। भारत के बाहिर छत्तीसगढ़ विरासत अउ संस्कृति ल बढ़ावा दे के खातिर नाचा के शुरुआत 2017 म शिकागो म होए रिहिस, अउ अब ये एक अंतरराष्ट्रीय ब्रांड हावय अउ राज्य ल बढ़ावा दे अउ वैश्विक स्तर म छत्तीसगढ़ समुदाय के समर्थन करे के खातिर कई कार्यक्रम के मेजबानी करत हावय।

नाचा के कार्यकारी अध्यक्ष श्री गणेश कर ह किहिन के ये पुरस्कार मिलना हमर बर गर्व के बात हावय। संयुक्त राज्य अमेरिका अउ आन देश म छत्तीसगढ़ के बढ़ावा दे के खातिर सबो सदस्य अथक प्रयास करे रिहिन हावयं। ये पहिली पुरस्कार हावय जेन नाचा के यूएसए के वरिष्ठ राजनीतिक नेता ले मिले हावय। ओमन किहिन के ये पुरस्कार सबो स्वयंसेवक ल समर्पित हावय, जेन संगठन के मदद करे रिहिन हावयं अउ छत्तीसगढ़ संस्कृति ल भारत ले बाहिर लाये रिहिन हावयं। छत्तीसगढ़ ल अंतर्राष्ट्रीय पहचान ले राज्य म निवेशक अउ पर्यटक ल आकर्षित करे म भी मदद मिलही।

नाचा के शिकागो कार्यकारी अध्यक्ष सुश्री दीपाली सरावगी, उपाध्यक्ष सुश्री सोनू जोशी अउ सुश्री वंदना दडसेना, कोषाध्यक्ष सुश्री रागिनी साहू, संयुक्त सचिव सुश्री शशि साहू, सांस्कृतिक प्रमुख सुश्री खुशबू बंसल, सलाहकार अउ कार्यकारी श्री अभिजीत जोशी, श्री मुनीश कैस्थ, श्री शंकर फतवानी, सुश्री गीता खेतपाल श्री ब्रजेश साहू श्री प्रशांत गुप्ता, अउ नाचा के कार्यकारी उपाध्यक्ष श्री तिजेंद्र साहू ह वरिष्ठ राजनेता श्री डैनी के डेविस अउ एमेक्स लीडरशिप ले ये पुरस्कार मिलिस।