गांव के जुन्ना गौरव ल फेर ले स्थापित करही मुख्यमंत्री दाऊ भूपेश बघेल के सरकार, गउठान म मनाएं जाही हरेली : छत्तीसगढ़ राज्य किसान कल्याण परिषद शपथग्रहण म सबो ल आसिस दीस मुखिया

अंजोर.रायपुर, 5 अगस्त। मुख्यमंत्री दाऊ भूपेश बघेल ह किहिन हावय के खेती-किसानी के मजबूत बनाके अउ हर हाथ ल काम देके गांव के जुन्ना गौरव के फेर ले स्थापित करना राज्य सरकार के लक्ष्य हावय। ओमन किहिन के ग्रामीण अर्थव्यवस्था ल मजबूत बनाये के खातिर राजीव गांधी किसान न्याय योजना, सुराजी गांव योजना, गोधन न्याय योजना जइसे कदम उठाए गे हावयं। श्री बघेल अपन निवास कार्यालय ले छत्तीसगढ़ राज्य किसानकल्याण परिषद के नवनियुक्त पदाधिकारी मन के पदभार ग्रहण के वर्चुअल कार्यक्रम के सम्बोधित करत ये बात किहिस। 

कार्यक्रम म कृषि अउ जल संसाधन मंत्री रविन्द्र चौबे, छत्तीसगढ़ राज्य खनिज विकास निगम के अध्यक्ष गिरीश देवांगन, मुख्यमंत्री निवास म अउ सहकारिता मंत्री डॉ.प्रेमसाय सिंह टेकाम, खाद्य मंत्री अमरजीत भगत, छत्तीसगढ़ किसानकल्याण परिषद के अध्यक्ष सुरेन्द्र शर्मा, छत्तीसगढ़ राज्य गौ सेवा आयोग के अध्यक्ष महंत रामसुंदर दास, छत्तीसगढ़ बीज विकास निगम के अध्यक्ष अग्नि चंद्राकर अउ छत्तीसगढ़ योग आयोग के अध्यक्ष ज्ञानेश शर्मा, बीज निगम के कार्यालय म उपस्थित रिहिस। कार्यक्रम म किसानकल्याण परिषद के उपाध्यक्ष महेंद्र चंद्राकर, सदस्य सर्वश्री बसंत टाटी, नागेंद्र नेगी, संजय गुप्ता, भगवान पटेल, जानकीराम सेठिया, नंद कुमार पटेल, डेहराराम साहू, खम्मन पटेल, जगदीश दीपक, शरद यादव, श्रवण चंद्राकर, चुन्नी लाल वर्मा अउ श्रीमती शशि गौर ह पदभार ग्रहण करिन।