कला मर्मज्ञ, लोक कलाकार डॉ. पुरूषोत्तम चंद्राकर ल मिलिस खूबचंद बघेल स्मृति सम्मान

अंजोर.दुर्ग, 26 अगस्त। पंथी के आधुनिक गुरू देवदास बंजारे के सुरता म आयोजित स्व. देवदास बंजारे लोक कला महोत्सव, सतनामी आश्रम सारीडीह दुर्ग डहर ले प्रदेश के बड़का कला मर्मज्ञ लोक कलाकार डॉ. पुरूषोत्तम चंद्राकर ल कला के क्षेत्र म उल्लेखनीय योगदान खातिर डॉ. खूबचंद बघेल स्मृति सम्मान ले सम्मानित करे गिस। कार्यक्रम के पहुना संस्कृति मंत्री अमरजीत भगत, दुर्ग के विधायक अउ अध्यक्ष छत्तीसगढ़ राज्य भंडार गृह निगम अरुण वोरा, पद्मश्री डॉ आर. एस. बारले, पद्मश्री अनूप रंजन पांडेय, डॉ. अजय मोहन सहाय अउ भुनेश्वर बघेल अध्यक्ष अनुसूचित जाति विकास प्राधिकरण छत्तीसगढ़ शासन के कर कमल ले उनला सम्मानित करे गिस।