राज्यपाल ले अर्धसैनिक कल्याण बोर्ड के गठन खातिर करिन गेलौली

अंजोर.रायपुर, 24 अगस्त। राज्यपाल सुश्री अनुसुईया उइके ले आज कान्फेडरेसन ऑफ एक्स पैरामिलिट्री फोर्स वेलफेयर एसोसिएशन नवा दिल्ली के महासचिव रणबीर सिंह ह भेंट करिस अउ राज्य म सेवाकरत अउ सेवानिवृत्त अर्धसैनिक बल के जरूरत ल धियान म रखत होए अर्धसैनिक कल्याण बोर्ड गठन करे जाये के गेलौली करिन। राज्यपाल ह ओ मनला जरूरी कार्यवाही के आश्वासन दीस। प्रतिनिधिमंडल ह किहिन के बोर्ड के गठन ले अर्धसैनिक बल अउ उंकर घर वाला के पुनर्वास अउ पेंशन संबंधी सुविधा के लाभ उक म मदद मिलही अउ कल्याणकारी योजना मन के लाभ मिल सकही। ओमन किहिन के शिक्षा, स्वास्थ्य सुविधा अउ लइका के बिहाव के खातिर आर्थिक मदद कर सकत हावय। प्रतिनिधि मंडल ह किहिन के आतंकी नक्सली अउ आन हमल म शहीद ल दे जाये वाला आर्थिक मदद 1 करोड़ रूपिया तक बढ़ाये जाए। येकर संग ही भारत सरकार डहर ले सेना के तर्ज म अर्धसैनिक बल के जवान मन के एक्स-सर्विसमैन के दर्जा दे के आदेश के छत्तीसगढ़ म लागू करे के गेलौली करिन, जेकर ले ओला पुनर्वास अउ कल्याणकारी योजना मन के लाभ मिल सही।