अंजोर.दुर्ग 4 अगस्त। दुर्ग साइबर सेल अउ चौकी स्मृति नगर पुलिस कोति ले सटोरिया मनके चेत चघाये खातिर सरलग कार्यवाही करे जावत हावय। इही ओढ़र म मिले आरो के मुताबिक स्मृति नगर क्षेत्र म हाईटेक तरीके ले CARRY777 सॉफ्टवेयर के जरिए ऑनलाइन आईडी भेजके खिलावत क्रिकेट सट्टा ल पकड़े म सफलता मिले हावय। अइसने टेलीग्राम चैनल के माध्यम ले 14000 लोगन ल जोड़के पइसा लेके आईडी मुहैया दे जाथे। जेमा इंडिया संग इंग्लैंड के होवइया मैच के आईडी देखके क्रिकेट सट्टा खिलावत रिहिस हावय। पुलिस के बताती येमा तीन आरोपी 1. अश्वनी कुमार पांडे 2. तेजस पांडे 3. अतुल पटेल ल गिरफ्तार करके उंकर तिर ल 01 लैपटॉप, 02 रजिस्टर, 4 नग मोबाइल, जिओ वाईफाई, पेटीएम ऐप म 238000 अउ क्रिकेट सट्टा म 868258 के लेखा-जोख जप्त करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।