हिन्दी फिल्म ‘श्रीमान ऐश्वर्या राय‘ के शूटिंग होही छत्तीसगढ़ म, हास्य कलाकार कृष्णा अभिषेक करिस मुख्यमंत्री ले मुलाकात

अंजोर.रायपुर, 18 अगस्त। छत्तीसगढ़ के समृद्ध संस्कृति, प्राकृतिक सौन्दर्य, पर्यटन, ऐतिहासिक अउ पुरातात्विक धरोहर अब बॉलीवुड ल तको मोहत हावय। हास्य अभिनेता कृष्णा अभिषेक छत्तीसगढ़ म ए महीना के 25 तारीख ले अवइया 10 दिन तक रायपुर म अपन अवइया फिल्म ‘श्रीमान ऐश्वर्या राय‘ के शूटिंग करे बर जात हावय। उंकर ओएमजी इंडिया कार्यक्रम के कुछ एपिसोड के शूटिंग छत्तीसगढ़ म करे के योजना हावय। ए सिलसिले म ओमन आज मुख्यमंत्री दाऊ भूपेश बघेल ले उंकर रायपुर निवास कार्यालय म सौजन्य मुलाक़ात करिस अउ ओला अपन ए योजना के बारे म जानकारी दीस। मुख्यमंत्री दाऊ भूपेश बघेल ह एमा किहिन के छत्तीसगढ़ म फ़िल्म निर्माण के खातिर हरसंभव मदद दे जाही। राज्य सरकार डहर ले नवा फिल्म नीति तइयार करे जात हावय। जेमा फिल्म निर्माण ल प्रोत्साहन दे के खातिर प्रावधान करे जाही।

मुख्यमंत्री दाऊ भूपेश बघेल ह किहिन के छत्तीसगढ़ के कलाकार म काफी प्रतिभा हावय। इहां सरगुजा ले लेके बस्तर तक फ़िल्म शूटिंग के खातिर कई खूबसूरत लोकेशन्स हावयं, जेला फिल्मी पर्दा म उतारे जा सकत हावय। मैनपाट म जलजली अउ उल्टापानी, सिरपुर म बौद्ध विहार, बारनवापारा म घना जंगल, बस्तर म चित्रकोट जल प्रपात सहित कई जगह प्राकृतिक सौंदर्य ले भरपूर हावयं। ओमन ये भी जानकारी दीस के रायपुर, जगदलपुर अउ बिलासपुर ले हवाई सेवा शुरू हो गे हावय।

 मुख्यमंत्री ह किहिन के सरगुजा के रामगढ़ म विश्व के प्राचीनतम नाट्यशाला भी हावय, छत्तीसगढ़ म कला-संस्कृति के समृद्ध परंपरा रेहे हावय। पद्मश्री हबीब तनवीर के थिएटर ग्रुप ले जुड़े अउ इहां के आन कलाकार ह देश अउ विदेश म नाम कमाये हावय। हास्य कलाकार कृष्णा ह मुख्यमंत्री ल बताइन के बचपन के प्यार गीत ले प्रसिद्ध होए छत्तीसगढ़ के नान्हेम गायक सहदेव दिदरो के संग ओमन प्रोग्राम शूट करे हावय, जेला जल्दीप ही प्रसारित करे जाही।