अंजोर.महासमुंद, 16अगस्त। पुलिस अधीक्षक डहर ले अपराध नकेल कसे खातिर सबो थाना / चौकी प्रभारी ल साव चेत रेहे के आरो के बाद आज राष्ट्रीय राज्यमार्ग 53 खट्खटी रोड़ ओव्हर ब्रीज बसना के उपर वाहन चेकिंग करे जात रिहिस। जेमा एक संदिग्ध स्वीफ्ट डिजायर कार OD 17L 3141 जे ओड़िसा तनि ले आत रिहिस, म चेकिंग बखत डिक्की चेक म स्टेपनी टायर के ठऊर म दू थइली म 78,00,000 रूपिया मिलिस। जेमा वाहन म चालक रूद्र कुमार कुम्हार पिता मोतीलाल कुम्हार उमर 42 साल सा. सोहेला जिला बरगढ़ अउ पंकज गुप्ता पिता विनोद गुप्ता उमर 34 साल सा. सोहेला जिला बरगढ़ ले पूछताछ करे म गोल-मोल जवाब दे लगिस।
ओकर तनि ले कोनो भी वैधानिक दस्तावेज प्रस्तुत नइ करे म थाना बसना म धारा 102 जा०फौ0 के तहत कार्यवाही करके रकम जप्त करे गे। ये सरी कार्यवाही पुलिस अधीक्षक दिव्यांग पटेल के मार्गदर्शन म अति. पुलिस अधीक्षक श्रीमती मेघा टेम्भुलकर साहू अउ अनु.अधिकारी (पु) सरायपाली विकास पाटले के निर्देशन म थाना प्रभारी बसना लेखराम ठाकुर अउ उंकर टीम डहर ले करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।