बस्तर टाइगर शहीद महेंद्र कर्मा के सुरता ल अम्मर राखे खातिर सरकार ह बस्तर विश्वविद्यालय के नामकरण अउ शहीद महेंद्र कर्मा तेंदूपत्ता संग्राहक समाजिक सुरक्षा योजना सुरू करे हावय : मुख्यमंत्री दाऊ भूपेश बघेल

अंजोर.बस्तर, 4 अगस्त। मुख्यमंत्री दाऊ भूपेश बघेल ह पूर्व मंत्री अउ लोकप्रिय नेता शहीद महेंद्र कर्मा के जयंती के मउका म उनला नमन करिन हावय। श्री बघेल ह ओला सुरता करत किहिन हावय के महेन्द्र कर्मा सिर्फ एक राजनेता ही नइ बल्कि संवेदनशील, जागरूक अउ गजब भावुक इंसान भी रिहिस। ओला बस्तर टाइगर केहे जाथे, काबर के आदिवासी मनके हक के हर लड़ाई म वो दमदारी ले खड़े रिहिन। उंकर जइसे निःस्वार्थ मनखे अउ पारदर्शी मित्र मोला मिलिस ये मेरा सौभाग्य रिहिस। स्वर्गीय श्री कर्मा ह जीवन के आखरी क्षण तक आदिवासी मन खातिर संघर्ष करिन। छत्तीसगढ़ विधानसभा म विपक्ष के नेता अउ मंत्री के रूप ओमन जरूरी जिम्मेदारी संभालीस अउ छत्तीसगढ़ के विकास म अपन अमूल्य योगदान दीस। श्री बघेल ह किहिन के उंकर विचार हमन ल सदैव प्रेरित करत रइही। श्री महेन्द्र कर्मा के सुरता ल अम्मर राखे खातिर छत्तीसगढ़ सरकार ह बस्तर विश्वविद्यालय के नामकरण उंकर नाम म करिस अउ उंकर नाम म प्रदेश के तेंदूपत्ता संग्राहक परिवार के खातिर ‘शहीद महेंद्र कर्मा तेंदूपत्ता संग्राहक समाजिक सुरक्षा योजना‘ सुरू करे हावय।