खेती करइया किसान अउ भूमिहीन बनिहार सबो बर योजना बनाये हाबे सरकार : उच्च शिक्षामंत्री उमेश पटेल

 अंजोर.रायगढ़, 27 अगस्त। उच्च शिक्षामंत्री उमेश पटेल ह जामपाली म प्राथमिक स्कूल के जर्जर भवन के उन्नयन बर 15 लाख रूपिया के स्वीकृति दीस। इही रकम ले मुक्तिधाम के खातिर स्वीकृति दे हावय। अपन क्षेत्र म 4 सरकारी कालेज के सौगात दे हावय। 4 रेलवे क्रासिंग म ओव्हर ब्रिज के सुविधा मिले हावय। जेमा दू म बुता चल हावय, एक के स्वीकृति मिलगे हावय अउ एक म लघियात स्वीकृति मिल जाही। ओमन ये बात ल एक कार्यक्रम म किहिन। ये मउका म उच्च शिक्षामंत्री श्री पटेल ह गांव उसरौट म 15 लाख रूपिया के लागत ले शास.हाई स्कूल म पुस्तकालय अउ विज्ञान कक्ष अउ सामुदायिक भवन अउ ग्राम पंचायत कोसमपाली म 75 हजार रूपिया के लागत ले नवा बने पानी टंकी निर्माण के लोकार्पण करिन।