अंजोर.रायगढ़, 5 अगस्त। बरमकेला पुलिस नारी मनके इज्जमत भंग करे अउ छेड़खानी के आरोप म एक युवक ल गिरफ्तार करके रिमांड म भेज हावय। मिले आरो के मुताबिक आरोपी युवक उंकर परिचित के महिला के नहावत बखत विडियो बना ले रिहिस जेला वायरल करे के धमकी देवे। जानकारी के मुताबिक पीड़ित महिला तनि ले उंकर पति डहर ले थाना बरमकेला म रिपोर्ट दर्ज कराये गिस के मोबाइल नम्बर 626866XXXX धारक डहर ले कॉल करके ओकर पत्नी ले उल्टी-सीधी बात करथे, जेकर बाद वो नम्बर ले आत कॉल के रिसीव नइ करन। तब वो व्हाट्सएप म एक वीडियो भेजिस। अज्ञात युवक डहर ले चैट करके वीडियो इंटरनेट म अपलोड करे के धमकी तको दीस। जेमा थाना बरमकेला म रिपोर्ट दर्ज करके आरोपी युवक के विरूद्ध अप.क्र. 245/2021 धारा 354,509(ख) IPC के तहत अपराध पंजीबद्ध करके बरमकेला पुलिस डहर ले सायबर सेल ले वो मोबाइल नम्बर के डिटेल निकलवाइस। थाना प्रभारी के निर्देशन म सहायक उपनिरीक्षक कमल राजपूत डहर ले लघियात आरोपी के तलाश करके आरोपी ल हिरासत म लिस। आरोपी गंगा दास उमर 25 साल निवासी बरमकेला अपन अपराध कबूल करके बताइन के महिला के जानत पहचनत हावय। महिला के पीछा करके उंकर घर के पास छिपके विडियो बनाये रिहिस। आरोपी ल गिरफ्तार करके रिमांड म भेजा गिस, जिहां ले जेल दाखिल कराये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।