छत्तीसगढ़ शासन म साहू समाज के सबो निगम, मंडल, आयोग के पद म आसीन जनप्रतिनिधी मनके होइस सम्मान

अंजोर.रायपुर 4 अगस्त। छत्तीसगढ़ शासन म साहू समाज के सबो निगम, मंडल, आयोग के आने-आने पद म आसीन जनप्रतिनिधी मनके सम्मान समारोह आज विधायक कसडोल सुश्री शकुंतला साहू के निवास म संपन्न होइस। सोशल मीडिया ले मिले आरो के मुताबिक ये मउका म पूर्व मंत्री अउ अभनपुर के विधायक आदरणीय धनेंद्र साहू, छत्तीसगढ़ साहू संघ के प्रदेश अध्यक्ष अर्जुन हिरवानी मार्गदर्शन म उरके कार्यक्रम म अध्यक्ष पिछड़ा वर्ग आयोग थानेश्वर साहू, अध्यक्ष दुग्ध संघ छ. ग. शासन, विपिन साहू, अध्यक्ष तेलघानी बोर्ड छ.ग.शासन संदीप साहू, उपाध्यक्ष पर्यटन मंडल श्रीमति चित्ररेखा साहू, सदस्य गौ सेवा आयोग, पुरुषोत्तम साहू, सदस्य श्रम कल्याण मंडल झुमुकलाल साहू, सदस्य छ.ग.राज्य गृह निर्माण मंडल अजय साहू, सदस्य महिला आयोग श्रीमती तुलसी साहू, सदस्य श्रम कल्याण मंडल श्रीमति अंबालिका साहू, सदस्य रायपुर विकास प्राधिकरण मुकेश साहू, सदस्य क्रेडा विभाग विजय साहू, सदस्य कृषक कल्याण परिषद डेरहा राम साहू, सदस्य कृषक कल्याण परिषद, जगदीश दीपक साहू, अध्यक्ष कृषि उपज मंडी दुर्ग अश्वनी साहू संग समस्त जनप्रतिनिधि मनला स्मृति चिनहा, साल, श्रीफल भेंट करके सम्मान करे गिस। ये मउका म सुश्री शकुंतला साहू ह कार्यक्रम के सफलता खातिर जुरियाए बड़का समाज के सियान मनके आभार मानत किहिन के आप सब के मार्गदर्शन अउ आशीर्वाद आगू तको मिलते राहय इही अरजी हावय।