खड़गवांकला आंगनबाड़ी केंद्र के पोसन वाटिका म होवथे सब्जी के उत्पादन

अंजोर.सूरजपुर,27 अगस्त। महिला अउ लइका मनके विकास अउ उंकर स्वास्थ्य ल बढि़या रखे खातिर महिला अउ बाल विकास विभाग के डहर ले सरलग पोषण ल बने करे के प्रयास करे जात हावय। कलेक्टर डॉ. गौरव कुमार सिंह के निर्देशन, जिला पंचायत सीइओ राहुल देव के मार्गदर्शन अउ जिला कार्यक्रम अधिकारी चंद्रबेश सिंह सिसोदिया के नेतृत्व म जिला के सबो आंगनबाड़ी केन्द्र म पोषण वाटिका बनाये गे हावयं। ये पोषण वाटिका म आंगनबाड़ी परिसर म ही मुनगा, लाल भाजी, पालक भाजी, सहित आन पौष्टिक साग-सब्जी अउ फल उत्पादित करे जात हावयं। 

इही कड़ी म आंगनबाड़ी केंद्र खड़गवांकलां बिचपारा, विकासखण्ड प्रतापपुर म आकर्षक पोषण वाटिका बने हावय जेकर ले उत्पादित हरी सब्जी ल लइका के भोजन म सामिल करके उंकर पोषण म बड़वार करे जात हावय। केंद्र के सहायिका नीलम जायसवाल के बताती के महिला अउ बाल विकास विभाग के पर्यवेक्षक नीलमणि लकड़ा के डहर ले बीजहा दे गे रिहिस जेला पोषण वाटिका म बो के देखरेख करेन त अभी के बेरा म बरबट्टी अउ भिंडी निकलत हावय।