स्वामी आत्मानंद सरकारी अंग्रेजी स्कूल के प्राचार्य मनके 10 दिवसीय प्रशिक्षण 23 ले 1 सितंबर तक

अंजोर.रायपुर, 26 अगस्त। प्रशासन अकादमी निमोरा म स्वामी आत्मानंद शासकीय उत्कृष्ट अंग्रेजी माध्यम स्कूल के प्राचार्य मनके 10 दिवसीय आवासीय प्रशिक्षण कार्यक्रम 23 अगस्त ले चलत हावय जेन 1 सितंबर तक होही। ये मउका म स्कूल शिक्षा मंत्री श्री टेकाम ह प्राचार्य मनले किहिन के शासकीय अंग्रेजी माध्यम स्कूल म माता-पिता अपन लइका के विश्वास के संग पढ़े बर भेजे हावय। प्राचार्य लइका के माता-पिता के विश्वास ल कम झिन होवन देवय। ओमन किहिन के प्रदेश म संचालित 172 शासकीय अंग्रेजी माध्यम स्कूल म सबो रकम ले बढि़या बेवस्था करे गे हावय। उहां लइका के सरी विकास होही। प्राचार्य अउ शिक्षकगण अपन ज्ञान के उपयोग लइका के भविष्य ल संवारने म करें। विद्यालय के शिक्षा बेवस्था अइसे हो, के लइका इहां पढ़ाई के खातिर लालायित होवे।

मंत्री डॉ. टेकाम ह किहिन के मुख्यमंत्री श्री भूपेश बघेल के संवेदनशील सोच हावय के आर्थिक रूप ले कमजोर परिवार के लइका भी अंग्रेजी माध्यम स्कूल म पढ़ सके। स्वामी आत्मानंद जी ह वनवासी मनके उत्थान के खातिर नारायणपुर आश्रम म उच्च स्तरीय शिक्षा केन्द्र के स्थापना करिस। इही ले प्रेरित होके मुख्यमंत्री ह प्रदेश म स्वामी आत्मानंद के नाम ले शासकीय अंग्रेजी माध्यम स्कूल सुरू करे  हावय। प्रशिक्षण म प्राचार्य मनला बहुत कुछ जानने अउ सीखने के मिलही।

स्कूल शिक्षा सचिव डॉ. कमलप्रीत सिंह ह किहिन के शासकीय अंग्रेजी माध्यम स्कूल के प्राचार्य ल बड़का जिम्मेदारी सौंपे गे हावय। इहां के प्राचार्य डहर ले दूसर ल रद्दा दिखाये के बुता करे जाही। ये स्कूल के प्राचार्य डहर ले करे गे बुता ल पूरा प्रदेश देखही। ओमन किहिन के स्कूल के प्राचार्य म प्रबंधन अउ अध्यायपन के गुण होना चाही। प्रबंधन बुता करत-करत या दूसर के अनुभव ले सीख सकत हावय। उत्कृष्ट विद्यालय के संचालन के जिम्मेदारी के निर्वहन के खातिर प्राचार्य मनला अपन क्षमता बढ़ाना होही। प्रशिक्षण के बखत यदि ओमा कोनो कमी होही त ओला भी बताए।