स्वामी आत्मानंद के पुण्यतिथि म सुरता करत मुख्यमंत्री दाऊ बघेल ह किहिन के दीन-दुखी मनके सेवा के संदेश दीस स्वामी जी

अंजोर.रायपुर 26 अगस्त। मुख्यमंत्री दाऊ भूपेश बघेल ह समाज सुधारक अउ शिक्षाविद् स्वामी आत्मानंद के पुण्यतिथि 27 अगस्त म ओला नमन करत किहिन के ओमन छत्तीसगढ़ म मानव सेवा अउ शिक्षा संस्कार के अलख जगाइस। पीड़ित मानवता के सेवा ल ओमन सबले बड़का धर्म बताइन। छत्तीसगढ़ उंकर कर्मभूमि रेहे हावय। स्वामी आत्मानंद ह शहर अउ आदिवासी क्षेत्र म लइका म संस्कार, युवा म सेवा भाव अउ बुजुर्ग म आत्मिक संतोष के संचार करिन। स्वामी विवेकानंद के विचार के भी उन म भी जबर असर होइस अउ ओमन अपन पूरा जीवन दीन-दुखी मनके सेवा म बिता दीस।

मुख्यमंत्री ह किहिन के राज्य सरकार ह स्वामी आत्मानंद के पद चिन्ह म चलत किसान मन, वनवासी, गरीब मन अउ मजदूर मन के शिक्षा, स्वास्थ्य अउ रोजगार के हर संभव प्रयास करत हावय। अनुसूचित जाति-अनुसूचित जनजाति क्षेत्र म सामाजिक-आर्थिक उन्नति के खातिर विशेष धियान दे जात हावय। स्वामी आत्मानंद जी के मानव सेवा के क्षेत्र म करे गे बुता अनुकरणीय अउ प्रेरणास्पद हावय। स्वामी आत्मानंद जी ह वनवासी मनके उत्थान के खातिर नारायणपुर आश्रम म उच्च स्तरीय शिक्षा केन्द्र के स्थापना करिस। राज्य सरकार ह येकर ले प्रेरणा लेवत होए उंकर नाम म स्वामी आत्मानंद इंग्लिश मीडियम स्कूल शुरू करे  हावयं, जेमे हर वर्ग के लइका ल अच्छा कक्षा, पुस्तकालय, खेल मैदान सहित अच्छा पढ़ाई के सुविधा दे जात हावय। ओमन आदिवासी मनके सम्मान अउ उंकर उपज के वाजिब कीमत दिलाये के खातिर अबूझमाड़ प्रकल्प के स्थापना करिस। नारायणपुर म वनवासी सेवा केन्द्र सुरू करके वनवासी मनके दशा अउ दिशा सुधारे के प्रयास करिस। श्री बघेल ह किहिन के स्वामी अत्मानंद जी के आदर्श अउ जीवन कीमत सदा जनसेवा के खातिर प्रेरित करत रइही।