अंजोर.बलौदाबाजार,5 सितंबर। आयुष्मान भारत प्रधानमंत्री जन आरोग्य योजना डा. खूबचंद बघेल स्वास्थ्य सहायता योजना के तहत जिला के च्वाईस सेंटर या कामन सर्विस सेंटर म आयुष्मान कारड फोकट म बनाये जात हावय। जिला म अब तक 7 लाख 53 हजार ले जादा आयुष्मान कारड बनाये जा चुके हावय अउ जिला म अभी भी लगभग 8 लाख 43 हजार कारड बनाये जाना बांचे हावय। जिला मुख्य स्वास्थ्य चिकित्सा अधिकारी डॉ खेमराज सोनवानी ह बताइन के जिला म आयुष्मान कारड बनाये के प्रकिया 25 जुलाई ले जारी हावय। ये प्रक्रिया अब 30 सितंबर 2021 तक चलही। कारड बनाये के खातिर हितग्राही मन के राशन कारड अउ आधार कारड लेके च्वाईस सेंटर म जाना होही। परिवार के पात्रता के आधार म क्रियाशील अंत्योदय कार्ड, प्राथमिकता राशन कार्डधारी परिवार अउ सामाजिक- आर्थिक संगणक 2011 ले चयनित परिवार के पांच लाख रूपिया तक ईलाज के खातिर सालाना सुविधा ये कार्ड ले मिलही, इही रकम ले बांचे राशन कार्डधारी सामान्य राशन कारड परिवार के सालाना 50 हजार रूपिया तक के निःशुल्क, ईलाज के सुविधा पंजीकृत शासकीय अउ निजी अस्पताल म आयुष्मान कारड के डहर ले मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।