अंजोर.रायपुर, 03 सितम्बर। राष्ट्रपति श्री रामनाथ कोविंद शिक्षक दिवस के मउका म 5 सितम्बर के छत्तीसगढ़ के शिक्षक प्रमोद कुमार शुक्ला ल राष्ट्रीय शिक्षक पुरस्कार ले सम्मानित करही। राष्ट्रीय शिक्षक दिवस के मउका म ये सम्मान समारोह 5 सितम्बर के बिहनिया 10 बजे ले वर्चुअल रूप ले आयोजित होही। राष्ट्रीय शिक्षक सम्मान पुरस्कार 2021 ले सम्मानित होवइया प्रमोद कुमार शुक्ला एकलव्य आदर्श आवासीय विद्यालय करपावंड, जिला बस्तर म व्याख्याता के पद म पदस्थ हावयं। इहां ये जानबा होवय के राष्ट्रीय शिक्षक सम्मान के खातिर ए साल पूरा देश ले 44 शिक्षक मन के चयन करे गे हावय। जेमा छत्तीसगढ़ के व्याख्याता प्रमोद कुमार शुक्ला के चयन राज्य के खातिर गौरव के बात हावय। व्याख्याता श्री शुक्ला, शिक्षक दिवस के मउका म राजधानी नवा रायपुर स्थित मंत्रालय महानदी भवन के एन.आई.सी. के स्टूडियो म वर्चुअली राष्ट्रीय शिक्षक पुरस्कार पाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।