केलो बांध ले नहर पानी पहुंचत हावय खेत म, बरसात के पानी के सकला बर तको होवथे उदीम

अंजोर.रायगढ़, 3 सितम्बर। केलो बांध ले सिंचाई के खातिर पानी दे जाये के संबंध म केलो परियोजना सर्वेक्षण संभाग रायगढ़ के कार्यपालन अभियंता ह जानकारी देवतत बताइन के केलो परियोजना केलो नदी म रायगढ़ जिला मुख्यालय ले लगभग 8 किमी के दूरी म रायगढ़ अम्बिकापुर राजमार्ग म गांव दनौट म के एक महत्वाकांक्षी परियोजना हावय ए परियोजना म बांध के बुता लगभग पूरा हो चुके हावय अउ नहर प्रणाली बुता लगभग 80 प्रतिशत पूरा हो चुके हावय। काबर के नहर प्रणाली बुता अपूर्ण हावय। ये सेती पाछु साल 2014 ले ट्रायल रन के तहत खरीफ फसल के बर नहर ले पानी दे जात हावय।

विभागीय अधिकारी मन-कर्मचारी मन बांध के रख-रखाव के संग ही बरसात म मानक संचालक पद्धति के मुताबिक बांध म जल संग्रहण अउ जल रोकथाम के उत्तरदायित्व हावय। केलो बांध के कुल संग्रहण क्षमता 76.07 मि.घ.मी. जेमा 61.95 मि.घ.मी. लाईव्ह स्टोरेज अउ 14.12 मि.घ.मी.डेड स्टोरेज हावय अउ जल भराव के अधिकतम स्तर 233.00 मी. हावय। बांध के जल ग्रहण क्षेत्र विस्ता्र ले हावय। एक दू दिन के अच्छा बरसात ले बांध म जल भराव उच्चतम स्तर तक जा सकत हावय।