अंजोर.रायपुर, 12 जनवरी। शिक्षा सत्र 2021-22 म कक्षा 10वीं अउ 12वीं बोर्ड परीक्षा म सामिल होवइया दिव्यांग पढ़ईया मनला उंकर जरूरत के मुताबिक म परीक्षा म बने बेवस्था दे जाही। शिक्षा सत्र 2021-22 म सामान्य स्कूल मन म पढ़त कक्षा 10वीं म 1497 अउ कक्षा 12वीं म 631 सहित कुल 2128 विशेष जरूरत वाला लइका बोर्ड कक्षा म सामिल होही। छत्तीसगढ़ माध्यमिक शिक्षा मंडल अउ समग्र शिक्षा के संयुक्त तत्वाधान म आज उन्मुखीकरण कार्यक्रम खातिर वर्चुअल बइठक के आयोजन करके जिला शिक्षा अधिकारी मन अउ के जरूरी दिशा-निर्देश दे गिस।
वर्चुअल बइठक म बताइन के दृष्टिबाधित, मूकबधिर, सेरेब्रेल पॉलिसी (मानसिक रूप ले निःशक्त) पढ़ईया मन ले कक्षा 10वीं अउ 12वीं म आवेदन शुल्क ल छोड़ करके बांचे सरी शुल्क म रियायत दे जात हावय। 40 परतिसत ले जादा दिव्यांगता वाला पढ़ईया मनला जरूरत के मुताबिक लेखक, वाचक, प्रयोगशाला सहायक के सुविधा दे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।