अंजोर.रायपुर, 05 जनवरी। राज्य शासन डहर ले छत्तीसगढ़ स्कूल शिक्षा सेवा (शैक्षिक अउ प्रशासनिक संवर्ग) भरती अउ पदोन्नति नियम ल शिथिल करिन गे हावय। शिक्षक मन के पदोन्नति के खातिर न्यूनतम अनुभव 5 साल के घटाके 3 साल करे गिस। ये शिथिलता एक बार के खातिर दे गे हावय। राज्य शासन के ए फैसला ले लगभग 28 हजार एलबी शिक्षक संवर्ग के शिक्षक मन ल पदोन्नति के लाभ मिलही। एमे लगभग 22 हजार 500 सहायक शिक्षक ले प्रधान पाठक प्राथमिक शाला, सहायक शिक्षक ले शिक्षक पूर्व माध्यमिक शाला लगभग 3 हजार 500 अउ शिक्षक ले प्रधान पाठक पूर्व माध्यमिक शाला के लाभ लगभग ढाई हजार शिक्षक मन ल मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।