विकास के छत्तीसगढ़ मॉडल फेर लहराइस देश म परचम, सबले कम बेरोजगारी वाला राज्य म प्रदेश चौथा नंबर म

अंजोर.रायपुर, 06 जनवरी। सेंटर फॉर मॉनिटरिंग इंडियन इकॉनॉमी संगठन डहर ले हाल ही म जारी करे गे बेरोजगारी के आंकड़ा ह एक बार फेर विकास के छत्तीसगढ़ मॉडल के सफलता के परचम बुलंद करे हावय। आंकड़ा के मुताबिक छत्तीसगढ़ 2.1 प्रतिशत के संग देश म सबले कम बेरोजगारी वाला राज्य म चौथा क्रम म आये हावय। दिसंबर 2021 के स्थिति के अध्ययन के बाद सीएमआईई डहर ले जारी आंकड़ा के मुताबिक देश म सबले कम बेरोजगारी दर कर्नाटक म 1.4 प्रतिशत अउ सबले जादा बेरोजगारी दर हरियाणा म 34.1 प्रतिशत बताये गे हावय।

छत्तीसगढ़ ह समावेशी विकास के लक्ष्य करार करत तीन साल पहिली महात्मा गांधी के गांव स्वराज्य के परिकल्पना के मुताबिक नया मॉडल अपनाये रिहिस, जेकर तहत गांव अउ शहर के बीच आर्थिक परस्परता बढ़ाये म जोर दे गीस। इही मॉडल के ले गांव के आर्थिक सशक्तिकरण के खातिर सुराजी गांव योजना, नरवा-गरवा-घुरवा-बारी कार्यक्रम, गोधन न्याय योजना, राजीव गांधी किसान न्याय योजना, राजीव गांधी ग्रामीण भूमिहीन कृषि मजदूर न्याय योजना, रूरल इंडस्ट्रीयल पार्कों की स्थापना, लघु वनोपज के संग्रहण अउ वैल्यू एडीशन, उद्यमिता विकास जइसे योजना मन अउ कार्यक्रम के क्रियान्वयन करे जात हावय। कोरोना के पहिली अउ दूसरी लहर के बखत भी देशव्यापी आर्थिक मंदी ले छत्तीसगढ़ के अर्थव्यवस्था अछूता रिहिस। तब भी छत्तीसगढ़ म बेरोजगारी दर पूरा रकम ले नियंत्रित रिहिस। अब नवा  आंकड़ा के मुताबिक जिहां देश म बेरोजगारी दर म सरलग चिंताजनक उछाल हावय, उहें छत्तीसगढ़ म बेरोजगारी दर केवल 2.1 प्रतिशत हावय।