अंजोर.कांकेर, 06 जनवरी। जिला परिवहन कार्यालय कांकेर ले मिले जानकारी के मुताबिक अब हादसा म घायल ल एक घण्टा के अंदर (गोल्डन ऑवर) अस्पताल पहुँचाने वाला मनखे (गुड सेमेरिटन) ल पॉच हजार रूपिया ईनाम दिये जाही। शासन ह आम-जनता ल प्रेरित करे के खातिर ये योजना शुरू करे हावय, ताकि सड़क दुर्घटना म घायल मनखे ल एक घण्टा के अंदर (गोल्डन ऑवर) म अस्पताल पहुचाये जा सके अउ उंकर जीवन बचाये जा सके।
जिला परिवहन अधिकारी ह बताइन के दुर्घटना के बाद एक घण्टा यानि गोल्डन ऑवर काफी जरूरी होथे हावय। ए बखत घायल मनखे ल उपचार मिले म मृत्यु ल टाले जा सकत हावय, ये बुता एक प्रक्रिया के तहत करे जाही, जेमा जिला स्तर म कलेक्टर, पुलिस अधीक्षक, मुख्य चिकित्सा अउ स्वास्थ्य अधिकारी अउ जिला परिवहन अधिकारी के एक मूल्यांकन समिति के गठन करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।