भवन अनुज्ञा सरलीकरण प्रक्रिया के मिलल हावय अब लाभ

अंजोर.रायपुर, 18 जनवरी। अपन खुद के आशियाना बनाना हर मनखे के सपना होथे। जीवन म घर बनाना अउ शादी-विवाह करना कोनो सपने ले कम नइ होवे। इही सपन ल पूरा करे के खातिर लोगन जीवन भर भाग-दौड़ करत रहिथे। मेहनत मशक्कत करके कोनो रकम ले जमीन ले तको लिस, त घर बनाये के खातिर जटिल कार्यालयीन प्रक्रिया ले गुजरना काफी मुश्किल भरे होथे। इही मुश्किल अउ जटिलता ल सरल करे के खातिर मुख्यमंत्री भूपेश बघेल के नेतृत्व वाला छत्तीसगढ़ सरकार ह एक क्लिक म 500 वर्गमीटर तक भूमि के भवन अनुज्ञा के अनुमति दे के प्रावधान निश्चित ही सराहनीय कदम हावय। राज्य सरकार के ए पहल ले नगरीय क्षेत्र म घर बनाये के सपना काफी हद तक सहज हो गे हावय।