जल संसाधन विभाग कोति ले तेलीगुण्डरा, झर्रा फीडर अउ पंडरीपानी स्टापडेम म होही निमार्ण बुता

अंजोर.रायपुर, 18 जनवरी। छत्तीसगढ़ शासन के जल संसाधन विभाग मंत्रालय डहर ले दुर्ग जिला के पाटन विकासखण्ड तेलीगुण्डरा गांव म भनसुली नाला म स्टापडेम बनाये के खातिर एक करोड़ 5 लाख 43 हजार रूपिया के प्रशासकीय स्वीकृति मुख्य अभियंता महानदी गोदावरी कछार रायपुर ल दे कर गे हावय। 

झर्रा फीडर जलाशय योजना के खातिर 1.27 करोड़ के स्वीकृति- छत्तीसगढ़ शासन के जल संसाधन विभाग मंत्रालय डहर ले जांजगीर-चांपा जिला के बम्हनीडीह विकासखण्ड ले झर्रा फीडर जलाशय योजना के खातिर एक करोड़ 27 लाख 95 हजार रूपिया के प्रशासकीय स्वीकृति मुख्य अभियंता हसदेव कछार बिलासपुर के दे करे गे हावय। 

पंडरीपानी जलाशय के जीर्णोंद्धार के खातिर 1.40 करोड़ के स्वीकृति- छत्तीसगढ़ शासन के जल संसाधन विभाग मंत्रालय डहर ले रायगढ़ स्थित पंडरीपानी जलाशय के बुता के खातिर एक करोड़ 40 लाख 87 हजार रूपिया के प्रशासकीय स्वीकृति मुख्य अभियंता हसदेव कछार बिलासपुर ल दे गिस हावय।