अंजोर.जगदलपुर, 18 जनवरी। बस्तर संभाग के सबो सातों जिला के खातिर स्वास्थ्य विभाग के फार्मासिस्ट ग्रेड-2, ग्रामीण स्वास्थ्य संयोजक महिला अउ पुरुष अउ ड्रेसर ग्रेड-1 के खाली पद के पूर्ति बर मिले आवेदन पत्रो के परीक्षण के बाद मेरिट चयन सूची प्रकाशित कर दे गे हावय। मेरिट चयन सूची के प्रकाशन बस्तर संभाग के विशेष कनिष्ठ कर्मचारी चयन बोर्ड के वेबसाईट www.jssbbastar.cgstate.gov.in म दे गे हावय। संभाग आयुक्त अउ अध्यक्ष विशेष कनिष्ठ कर्मचारी चयन बोर्ड बस्तर संभाग डहर ले जिला बस्तर, कांकेर, कोण्डागांव, नारायणपुर, बीजापुर, सुकमा अउ दन्तेवाड़ा के मुख्य चिकित्सा अउ स्वास्थ्य अधिकारी के परीक्षा परिणाम बाद 15 दिन के भीतर मेरिट चयन सूची के मुताबिक उम्मीदवार मन के दस्तावेज के सत्यापन करके नियुक्ति कार्यवाही सुनिश्चित करे के निर्देश दे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।