Makar Sankranti 2022 : मकर संक्रांति परब, स्नान अउ दान के हावय बड़ महत्ता, जानव विधि-विधान

अंजोर.ए,14 जनवरी। मकर संक्रांति के परब आज मनाये जावथे। नदिया, तरिया म लोगन मन बड़े फजर ले पहुंच के नहा नहाके दान-पून करत हावय। केहे जाथे के आजे के दिन सूरूज देवता धनु राशि ले निकल के मकर राशि म आथे। इही ल मकर संक्रांति केहे जाथे। आज के दिन के स्नान अउ सूर्य देव के पूजा करके दान करे जाथे। फेर ओकर बाद तिल लडडू, मूंगफली, लाई, रेवड़ी, खिचड़ी अउ दही-चूड़ा खाये परंपरा तको हावय। येसो कोरोना के सेती आन बछर कस परब के उछाह कोनो कोति नये, सादगी और पारिवारिक रूप म ही तिहार के उमंग ह दिखत हावय।