दुनिया म ककड़ी अउ खीर के सबले बड़का निर्यातक बनिस भारत, अमेरिका, फ्रांस, जर्मनी, ऑस्ट्रेलिया सहित कई देस होथे निर्यात

अंजोर.ए। भारत दुनिया म खीरा के सबले बड़का निर्यातक बनके उभरे हावय। भारत ह अप्रैल-अक्टूबर (2020-21) के बखत 114 मिलियन अमरीकी डालर के कीमत के संग 1,23,846 मीट्रिक टन ककड़ी अउ खीर के निर्यात करे हावय।

भारत ह पाछु वित्तीय साल म कृषि प्रसंस्कृत जिनिस के निर्यात के 200 मिलियन अमरीकी डालर के आंकड़ा पार कर ले हावय, एला खीरा के अचार बनाये के तौर म वैश्विक स्तर म गेरकिंस या कॉर्निचन्स के रूप म जाने जाथे।

2020-21 म, भारत ह 223 मिलियन अमरीकी डालर के कीमत के संग 2,23,515 मीट्रिक टन ककड़ी अउ खीरा के निर्यात करे रिहिस। खीर के खेती, प्रसंस्करण अउ निर्यात के शुरूआत भारत म 1990 के दशक म कर्नाटक म एक छोटे स्तर के संग होए रिहिस अउ बाद म येकर शुभारंभ पड़ोसी राज्य तमिलनाडु, आंध्र प्रदेश अउ तेलंगाना म तको होइस। विश्व के खीरा जरूरत  के लगभग 15% उत्पादन भारत म होथे।

खीरा के अभी के बेरा म 20 ले जादा देश के निर्यात करे जात हावय, जेमा प्रमुख गंतव्य उत्तरी अमेरिका, यूरोपीय देश अउ महासागरीय देश जइसे संयुक्त राज्य अमेरिका, फ्रांस, जर्मनी, ऑस्ट्रेलिया, स्पेन, दक्षिण कोरिया, कनाडा, जापान, बेल्जियम, रूस, चीन, श्रीलंका अउ इजराइल हावयं।