अंजोर.महासमुंद 23 जनवरी। खेल अउ युवा कल्याण विभाग डहर ले स्व.श्री कोदूराम वर्मा सुरता धनुर्विद्या अकादमी रायपुर के सुरू करे जात हावय, जेमा तीरंदाजी खेल प्रशिक्षण प्रदाय करे जाही। तीरंदाजी खेल म महासमुंद जिला के बिहाझर बाल आश्रम बागबाहरा के 04 खिलाड़ी के चयन होइस हावय। जेला आवास, भोजन, शैक्षणिक व्यय, खेल परिधान, दुर्घटना बीमा, खेल प्रशिक्षण के सुविधाखेल विभाग डहर ले फोकट म उपलब्ध कराये जाही।
आवासीय अकादमी सुरू करे बर दिनांक 11 ले 13 अक्टूबर 2021 तक खिलाड़ी के राज्य स्तरीय चयन ट्रायल बहतराई, बिलासपुर म आयोजित करे गे रिहिस। ये चयन ट्रायल म भाग ले वाला खिलाड़ी ल उंकर प्रदर्शन के आधार म आखरी चयन करे गे हावय। जिला ले चयन होए खिलाड़ी म सत्यभामा साहू पिता मोती लाल साहू, नरेश कुमार ठाकुर पिता विरेन्द ठाकुर, संजय सोनवानी पिता स्व.श्री धन्नू सोनवानी अउ हेमंत निषाद पिता स्व. जुगेश्वर निषाद सामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।