मुख्यमंत्री ह धान खरीदी के करार ल बेरा एक सप्ताह बढ़ाये के करिस घोसना, अब अब 7 फरवरी तक धान खरीदी होही

अंजोर.रायपुर, 22 जनवरी। मुख्यमंत्री दाऊ भूपेश बघेल ह राज्य के किसान मन के हित ल धियान म रखत आज एक बड़ा फइसला लिस। राज्य म समर्थन कीमत म धान खरीदी के अपन निवास कार्यालय म वीडियो कॉन्फ्रंसिंग के माध्यम ले समीक्षा के बखत मुख्यमंत्री ह धान खरीदी के करार बखत म एक सप्ताह के बड़वार करे  जाये के घोसना करिन। राज्य म अब 7 फरवरी तक किसान मन ले धान खरीदी करे जाही। 

खाद्य अउ नागरिक आपूर्ति मंत्री अमरजीत भगत तको वीडियो कॉन्फ्रेंसिंग के माध्यम ले बइठक म सामिल होइन। बइठक म मुख्य सचिव अमिताभ जैन, अपर मुख्य सचिव सुब्रत साहू, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव सिद्धार्थ कोमल सिंह परदेशी, खाद्य सचिव टोपेश्वर वर्मा, सहकारिता सचिव हिमशिखर गुप्ता, नान के एमडी निरंजन दास सहित आन अधिकारी जुरियाए रिहिस।