राजपथ के झांकी म रिखी क्षत्रिय के दल करही लोक कला के प्रदर्शन

अंजोर.ए। नवा दिल्ली के राजपथ म एसो छत्तीसगढ़ सरकार के बड़का योजना गोधन न्याय योजना के झांकी बनाये गे हावय। जेला देस-विदेस के मीडिया मन सहराइस तको। मिले आरो के मुताबिक ये झांकी म राज के चलत योजना जेमा गोबर के खरीदी ल लेके, गौठान म स्व सहायता समु‍ह के दीदी मनके गोबर ले बनाये आनी-बानी के समान बनाये के उदीम ल देखाये गे हावय।

झांकी के संग म प्रदेश के कला संस्कृति के सोर बगरावत लोक कला दल तको प्रदर्शन करत रिथे। एसो तको भिलाई के लोककला दल ल मउका मिले हावय। प्रदेश के सुप्रसिद्ध लोकवाद्य संग्राहक अउ कलाकार रिखी क्षत्रिय अपना दल के संग दिल्ली म झांकी संग अभ्यास करत हावय।