बेमेतरा म बिगर मास्क के नइ मिलय अब सामान

अंजोर.बेमेतरा 06 जनवरी। बेमेतरा जिला म कोविड-19 अउ नवा  वेरियन्ट ओमिक्रान के संक्रमण के रोकथाम अउ रोकथाम के धियान म रखत जिला म सबो सबो डीजल पेट्रोल पम्प, व्यापारिक/व्यवसायिक केन्द्र अउ दारू दुकान म कार्यरत कर्मचारी मन अउ ये संस्थान म आने वाला ग्राहक के डहर ले मास्क/फेस कव्हर लगाये जाना अनिवार्य करे गे हावय। माने जिला म अब कोनो दुकान म बिगर मास्क के जाये म सामान नइ मिलय। कलेक्टर अउ जिला दण्डाधिकारी विलास भोसकर संदीपान डहर ले ए आशय के आदेश जारी करे गे हावय। आदेश के उल्लंघन करे म संबंधित संस्थान/व्यापारिक प्रतिष्ठान म विधि सम्मत कार्यवाही करे जाही।