मंदिर हसौद चंदखुरी सड़क चौड़ीकरण बुता के शुभारंभ करिस मंत्री डॉ. डहरिया

अंजोर.रायपुर, 07 जनवरी। छत्तीसगढ़ शासन के नगरीय प्रशासन विभाग अउ श्रम मंत्री डॉ. डहरिया ह मंदिर हसौद चंदखुरी रद्दा चौड़ीकरण अउ मजबूतीकरण बुता के शुभारंभ करिन। सड़क बुता के लागत 36 करोड़ 24 लाख रूपिया हावय अउ ये सड़क के बुता 10.40 किलोमीटर के लम्बाई के हावय। ए रस्ता  के बन जाये ले गाड़ी के आवाजाही म होत दिक्कत नइ होही। 

मिले आरो के मुताबिक ये मउका म डॉ. डहरिया ह किहिन के छत्तीसगढ़ सरकार डहर ले सड़क पुल पुलिया सहित जनसुविधा के सबो जरूरी बुता कराये जात हावयं। ए कार्यक्रम म दिनेश ठाकुर, कोमल साहू, रामचंद्र वर्मा, शारदा देवी वर्मा, खिलेश देवांगन, सौरभ चंद्राकर, मयंक तिवारी, प्रफुल्ल वर्मा, प्रेमलाल ढीढी सहित क्षेत्र के आन जनप्रतिनिधि मौजूद रिहिस।