बीरगांव नगर निगम महापौर अउ सभापति के कार्यभार ग्रहण समारोह म पहुंचिस मुख्यमंत्री

अंजोर.रायपुर,12 जनवरी। मुख्यमंत्री दाऊ भूपेश बघेल के विशेष उपस्थिति म आज बीरगांव नगर निगम के नव निर्वाचित महापौर नंदलाल देवांगन अउ सभापति कृपाराम निषाद ह कार्यभार ग्रहण करिन। मुख्यमंत्री दाऊ भूपेश बघेल ह नवनिर्वाचित महापौर अउ सभापति सहित सबो पार्षद ल बधाई अउ शुभकामना देत किहिन के आज 12 जनवरी के दिन स्वामी विवेकानंद के जयंती के दिन हावय। ओमन रायपुर म लगभग 2 साल के बहुमूल्य समय व्यतीत करिन। अइसे महापुरुष के जयंती मउका म कार्यभार ग्रहण के ये समारोह अपन-आप म विशिष्ट हावय।

बीरगांव नगर पालिक क्षेत्र के स्वच्छ अउ सुंदर बनाये के बुता हम सबो ल मिलके पूरा करना हावय। ए क्षेत्र के प्रदूषण मुक्त करे कारगार कदम उठाए जाही। छत्तीसगढ़ सरकार ह राज्य म विकास के नवा मॉडल प्रस्तुत करिन हावय। सड़क, बिजली, सफाई अउ शुद्ध पेयजल के बेवस्था सबो घर म करे जात हावय। इही रकम ले लोगन के स्वास्थ्य, स्वच्छ पेयजल अउ पर्यावरण के संग-साथ लइका के खातिर गुणवत्तापूर्ण शिक्षा बर स्वामी आत्मानंद अंग्रेजी उत्कृष्ट स्कूल संचालित करे जात हावयं।