अंजोर.रायपुर, 20 जनवरी। राज्यपाल सुश्री अनुसुईया उइके ह इंदिरा कला संगीत विश्वविद्यालय अधिनियम, 1965 (क्र. 19 सन 1956) म संशोधन बर प्रस्तुत विधेयक म दस्तखत करिस हावयं। ये अधिनियम के धारा 12 म संशोधन करे गे हावय के ‘‘इंदिरा कला संगीत विश्वविद्यालय अधिनियम 1956 (क्र. 19 सन 1956) के धारा 12-क के उपधारा (2) के क म, अंक ‘‘65’’ के ठऊर पर, अंक ‘‘70’’ प्रतिस्थापित करे जाये।’’ माने इंदिरा कला संगीत विश्वविद्यालय के कुलपति के उमर सीमा 65 साल के ठऊर म 70 साल होही। ये अधिनियम इंदिरा कला संगीत विश्वविद्यालय (संशोधन) अधिनियम, 2021 कहलाही। येकर विस्तार सरी छत्तीसगढ़ राज्य म होही। ये राजपत्र म येकर प्रकाशन के तारीख ले प्रवृत्त होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।