अंजोर.रायपुर. 20 जनवरी। मनरेगा (महात्मा गांधी राष्ट्रीय ग्रामीण रोजगार गारंटी अधिनियम) के शिकायत के स्वतंत्र अउ निष्पक्ष जांच अउ सुनवाई के खातिर नियुक्त लोकपाल के मानदेय म प्रति सीटिंग 1250 रूपिया के बढ़ोतरी करे गे हावय। अब ओला हर सीटिंग के खातिर 2250 रूपिया के मानदेय मिलही। मनरेगा लोकपाल के अब तक प्रति सीटिंग एक हजार रूपिया के दर ले मानदेय मिलत रिहिस। लोकपाल के खातिर मानदेय के अधिकतम सीमा 45 हजार रूपिया प्रति महीना करार करे गे हावय। मनरेगा लोकपाल ल बढ़े मानदेय 23 दिसम्बर 2021 ले प्रभावशील हावय। राज्य मनरेगा आयुक्त मोहम्मद कैसर अब्दुलहक ह सबो जिला के कलेक्टर-सह-जिला कार्यक्रम समन्वयक (मनरेगा) ल परिपत्र जारी करके ए संबंध म जरूरी कार्यवाही के निर्देश दे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।