अंजोर.कांकेर 20 जनवरी। छत्तीसगढ़ व्यावसायिक परीक्षा मण्डल रायपुर डहर ले महिला अउ बाल विकास विभाग ले पर्यवेक्षक के खाली पद म भरती परीक्षा 23 जनवरी दिन इतवार के आयोजित करे जाही, जेकर खातिर कांकेर जिला म 24 परीक्षा केन्द्र बनाये गे हावय। भरती परीक्षा म 7,715 परीक्षार्थी सामिल होही। परीक्षा दो पाली म आयोजित करे जाही, पहिली पाली 09 बजे ले दोपहर 12.15 बजे तक खुली सीधी भरती परीक्षा आयोजित करे जाही, जेकर खातिर 24 परीक्षा केन्द्र बनाये गे हावय, जेमा 6596 परीक्षार्थी सामिल होही। इही रकम ले द्वितीय पाली के परीक्षा दोपहर 02 बजे ले 5.15 बजे तक परिसीमित सीधी भरती परीक्षा आयोजित करे जाही, जेकर खातिर 03 परीक्षा केन्द्र बनाये गे हावय, जेमा 1119 परीक्षार्थी सामिल होही। परीक्षा के सफल संचालन के खातिर कलेक्टर चन्दन कुमार डहर ले डिप्टी कलेक्टर सी.एल. ओंटी ल नोडल अधिकारी अउ सहायक संचालक शिक्षा लक्ष्मण कावड़े ल सहायक नोडल अधिकारी नियुक्त करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।