दंतेवाड़ा म एडवेंचर स्पोर्ट्स होही आकर्षण के केन्द्र

अंजोर.रायपुर, 20 जनवरी। चारों तनि पहाड़ा ले घिरे हरा-भरा वादी के बीच प्रशासनिक अउ धार्मिक महत्व के जगह दंतेवाड़ा म डंकिनी नदी के तट म विकसित होत एडवेंचर स्पोट्स लघियात आकर्षण के केन्द्र बनेंगे। इहां साहसिक खेल अउ मनोरंजन ल बढ़ावा दे खातिर बस्तर संभाग के पहिली एडवेंचर पार्क के स्थापना जिला खनिज संस्थान न्यास निधि (डी.एम.एफ.) मद के तहत जिला प्रशासन अउ वन विभाग के डहर ले संयुक्त रूप ले करे जात हावय।

एडवेंचर पार्क म संचालित होवइया साहसिक खेल गतिविधी अउ प्रशिक्षण ले पर्यटक अउ नागरिक ल अपन स्वास्थ्य ल उत्तम बनाए रखे म जरूरी लाभ मिलही। मुख्यमंत्री दाऊ भूपेश बघेल के मंशा के मुताबिक वन अउ जलवायु परिवर्तन मंत्री मोहम्मद अकबर के मार्गदर्शन म शासन-प्रशासन के पहल ले विकसित करे  जात ये पार्क दंतेवाड़ा जिला के पर्यटन विकास के क्षेत्र म एक जरूरी कदम साबित होही। येकर तहत सायकल जिप लाइन ल बनाये, सहित सुविधा विकसित करे जात हावय। येकर अलावा दंतेवाड़ा अउ येकर आसपास ढोलकल अउ सातधार उक जरूरी ठऊर मन तक पर्यटन सुविधा ल बढ़ाये जात हावय।  

एडवेंचर पार्क एक आधुनिक व्यायाम प्रक्रिया साधन हावय, जेमा जिप लाइन, साइकिल जिप लाइन, किड एडवेंचर स्पोर्ट्स जइसे रस्सी ले बने पुल, हवा म ऊपर छलांग लगाये वाला कमरबंद झूला उक साहसिक खेल प्रदर्शन के माध्यम ले नवा विधी अउ तकनीक ले परिचय कराना हावय। एला धियान म रखत होए खेल प्रशिक्षक अउ खेल वैज्ञानिक डहर ले पार्क के माध्यम ले नवीनतम अउ प्रभावी जानकारी कुशलता ले दे जाही। संग ही ये पर्यटन के क्षेत्र म पर्यटक मनके रुचि के केन्द्र अउ दंतेवाड़ा जिला के प्रगति म मील के पत्थर साबित होही।