अंजोर.कोरिया 20 जनवरी। कलेक्टर अउ जिला दंडाधिकारी कुलदीप शर्मा ह छत्तीसगढ़ शासन अउ भारत सरकार डहर ले जारी गाईड लाईन अनुसार कोरोना वायरस नियंत्रण के संबंध म जारी करे गे दिशा- निर्देश के सम्बंध म जिला म कोविड 19 के बढ़त स्थिति ल देखत आदेश जारी हावय। ओमन जिला के राजकीय, निजी विश्वविद्यालय, शासकीय अउ अशासकीय महाविद्यालय ल तत्काल प्रभाव ले प्रतिबधिंत करत समस्त कक्षा के संचालन ऑनलाईन करे के निर्देश दिये हावय।
शैक्षणिक अउ अशैक्षणिक अमला म एक तिहाई रोस्टर पद्वति ले उपस्थित रेहे के निर्देश दिये हावय। रोस्टर डयूटी वाला दिवस म शैक्षणिक अमला डहर ले शिक्षण बुता कॉलेज ले अउ शेष दिवस म निवास रहीके ऑनलाईन अध्यापन बुता कॉलेज के समस-सारिणी अनुसार नियत समय म ले जावे। इही रकम ले कॉलेज के गैर-शैक्षणिक काय्र रोस्टर डयूटी अनुसार उपस्थित कर्मचारी मन डहर ले कॉलेज म उपस्थित होके करे जाही। फेर बांचे समस्त कर्मचारी वर्क-फ्रॉम होम पद्वति ले दूरभाष या ऑनलाईन प्रक्रिया ले बुता म सहयोग करही।
शिक्षा सत्र 2021-22 सेमेस्टर पद्वति वाला सबो पाठयक्रम के पहिली अउ तृतीय सेमेस्टर के परीक्षा ऑनलाईन, ब्लैन्डेड मोड म आयोजित करे जावे। विश्वविद्यालय डहर ले ए संबंध म उंकर कार्य परिषद के अनुमोदन ले विस्तृत दिशा निर्देश जारी करे जाही अउ कोनो भी स्थिति म अधिकारी-कर्मचारी डहर ले अवकाश स्वीकृति कराये बिना अउ सक्षम अधिकारी के अनुमति के बिना मुख्यालय ल नइ छोड़य।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।