गणतंत्र समारोह म झांकी, सांस्कृतिक कार्यक्रम के आयोजन नइ होवे

अंजोर.महासमुंद 20 जनवरी। कलेक्टर निलेशकुमार क्षीरसागर के अध्यक्षता म कलेक्ट्रेट के महानदी सभाकक्ष म 73 वां गणतंत्र दिवस (26 जनवरी 2022) के अवसर म जिला स्तर म आयोजन के रूपरेखा निर्धारण के संबंध म बइठक होइस। कलेक्टर ह किहिन के गणतंत्र दिवस समारोह म विशेष रूप ले कोविड-19 के प्रोटोकॉल के धियान म रखत होए समारोह आयोजित करे जाए। आयोजन के बखत कोविड-19 ले बचाव के खातिर राज्य अउ केन्द्र सरकार के निर्देश के पूरा रकम ले पालन सुनिश्चित करे जाए। गणतंत्र दिवस के आयोजन गरिमापूर्ण तरीका ले हो। समारोह मिनी स्टेडियम महासमुंद म सुबह 9 बजे ले करे जाही। बइठक म पुलिस अधीक्षक विवेक शुक्ला, मुख्य कार्यपालन अधिकारी जिला पंचायत एस. आलोक, अतिरिक्त कलेक्टर डॉ. नेहा कपूर, अनुविभागीय अधिकारी (राजस्व) भागवत जायसवाल, मुख्य चिकित्सा अउ स्वास्थ्य अधिकारी डॉ. एन.के. मंडपे सहित आन विभाग के अधिकारी उपस्थित रिहिस।