पर्वतारोही आंगनबाड़ी कार्यकर्ता अमिता श्रीवास ल मुख्यमंत्री दीस बधाई, 'यू.टी. कांगरी चोटी' म चढ़के छत्तीसगढ़ के मान बढ़ाइस

अंजोर.ए। छत्तीसगढ़ के जांजगीर-चांपा के आंगनबाड़ी कार्यकर्ता अमिता श्रीवास ह लद्दाख के जांस्कर शृंखला के 'यू.टी. कांगरी चोटी' के मुश्किल चढ़ाई ल पूरा करके छत्तीसगढ़ के मान बढ़ाये हावय। ये बात के आरो मिले ले प्रदेश के आंगनबाड़ी कार्यकर्ता संघ, महिला अउ बाल विकास विभाग, संग म सबो नारी शक्ति मन पर्वतारोही अमिता श्रीवास के जय जय करत हावय। ये मउका म प्रदेशवासी मनके कोति ले प्रदेश के मुखिया दाऊ भूपेश बघेल ह अमिता श्रीवास ल बधाई अउ सुभकामना देवत किहिन के हम सबला आपमन उपर गर्व हावय।