अंजोर.गरियांबद,21जनवरी। जिला गरियाबंद क्षेत्र म होत अवैध रूप ले गांजा, हीरा, शराब, वन्य जीव मन के अवैध तस्करी ल रोके के खातिर गरियाबंद पुलिस सरलग अभियान चलात हावयं। पाछु दिन सिटी कोतवाली गरियाबंद म 54 किलो मादक पदार्थ गांजा के संग 2 आरोपी ल गिरफ्तार करे म सफलता हासिल होए रिहिस।
इही कड़ी म थाना फिंगेश्वर ल एक अउ सफलता मिले हावय। मोटरसाइकिल सवार डहर ले सफेद रंग के बोरी के अंदर प्लास्टिक के पैकेट म बंधाय 10 पैकेट म मादक पदार्थ गांजा मिले हावय जेमा थाना फिंगेश्वर म अपराध क्रमांक 19/2022 धारा 20 (ख) एनडीपीएस एक्ट कायम करके आरोपी ल न्यायिक अभिरक्षा म भेजा गे। गिरफ्तार आरोपी राधेश्याम सतनामी पिता नरसिंग सतनामी उमर 35 साल निवासी दरलीमुड़ा थाना खरियाररोड जिला नुआपाड़ा (उड़ीसा) बनाये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।