मुख्यमंत्री के बड़का उदीम : नदिया कछार अब होही हरियर-हरियर

अंजोर.रायपुर, 21 जनवरी। छत्तीसगढ़ म बिते बरसात के बखत ‘नदी तट वृक्षारोपण’ कार्यक्रम के तहत 28 आने-आने नदियां के तट म लगभग 11 लाख पौधा मन के रोपण करे गे हावय। येकर रोपण ले नदी तट के 978.785 हेक्टेयर रकबा हरीतिमा ले आच्छादित अउ फल-फूल के पौधा मन ले सुरभित होही, जेन विशेष आकर्षण के केन्द्र होही।

मुख्यमंत्री भूपेश बघेल के मंशा के मुताबिक वन अउ जलवायु परिवर्तन मंत्री के मार्गदर्शन म विभाग डहर ले नदी तट रोपण के बुता करिन। इंकर रोपण कैम्पा, मनरेगा अउ जिला खनिज न्यास निधि सहित नदी तट वृक्षारोपण कार्यक्रम के तहत करे गे हावय। नदी तट रोपण कार्यक्रम के तहत बिते साल के बखत सामिल नदिया म इन्द्रावती नदी, शबरी नदी, चक्का बुक्का नदी, महानदी, पैरी नदी, केलो नदी, ईब नदी, जोंक नदी, हसदेव नदी, तान्दुला नदी, नारंगी नदी, भंवरडीह नदी, अटेम नदी, रेड़ नदी, सेमरखाड़ नदी, भूपका नदी अउ महान नदी सामिल हावय। येकर अलावा सेन्दुर नदी, बरन नदी, मोरन नदी, सूर्या नदी, कन्हर नदी, भैसुन नदी, पथेल नदी, उभय नदी, बनास नदी, ओदारी नदी अउ दूध नदी के तट म वृक्षारोपण के बुता सामिल हावयं।