अंजोर.अम्बिकापुर 21 जनवरी। खाद्य मंत्री अमरजीत भगत ह दरिमा के मां महामाया एयरपोर्ट के उन्न्यन बुता के निरीक्षण करिन। ओमन टेंडर के मुताबिक सबो बुता म प्रगति लान के अवइया अप्रैल महीना तक काम पूरा करे के निर्देश अधिकारी मन ल दिस।
खाद्य मंत्री ह एयरपोर्ट के उन्नयन के खातिर करे जात बुता के प्रगति के जानकारी लिस। रन-वे के करार लंबाई म गुणवत्तापूर्ण बनाये के निर्देश दिस। ओमन किहिन के उन्न्यन बुता लघियात पूरा करें ताकि इहां ले 72 सीटर विमान परिचालन के खातिर लाइसेंस ले के प्रक्रिया तको जल्दीत हो सके। ओमन एयरपोर्ट परिसर म संचालित स्कूल के अन्यत्र शिफ्ट होए म नवा स्कूल भवन बनाये के खातिर रकम उपलब्ध कराये के निर्देश तहसीलदार ल दिस। अभी के बेरा म जुन्ना रन-वे के पूरा रकम ले उखाड़े जा चुके हावय अउ सबग्रेड के बुता प्रगति म हावय।
जानबा होवय के मां महामाया एयरपोर्ट के उन्नयन बुता के खातिर शासन डहर ले 46 करोड़ 27 लाख रूपिया स्वीकृत करे गे हावय। उन्नयन बुता म रन-वे के लंबाई 1800 मीटर अउ मोटाई म तको बड़वार करे जाही। इसी रकम ले एप्रन ल तको नवा तरीका ले बनाये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।