गरियाबंद जिला म एक अउ ननपन के बिहाव रोके गिस

अंजोर.गरियाबंद 24 जनवरी। बाल संरक्षण समिति ले मिले सूचना के आधार म महिला अउ बाल विकास विभाग के मार्गदर्शन अउ जिला बाल संरक्षण अधिकारी अनिल द्विवेदी के निगरानी म अउ गोपाल सिंह कंवर सामाजिक कार्यकर्ता के सहयोग ले जिला बाल संरक्षण इकाई गरियाबंद ले प्रेमशंकर यादव, परामर्शदाता अउ चाईल्ड लाईन 1098 ले बलीराम निषाद (टीम मेम्बर) अउ थाना देवभोग पुलिस के डहर ले बाल बिहाव जगह म पहुंच के जायजा लिस।   

बाल संरक्षण समिति के माध्यम ले फोन म सूचना होए रिहिस के ग्राम-पुरनापनी, थाना-देवभोग म एक बाल बिहाव के तइयारी चल रिहिस।  22 जनवरी 2022 के जिला बाल संरक्षण इकाई गरियाबंद डहर ले घटना जगह म पहुंच करके नोनी (वधु) के उमर संबंधी दस्तावेज स्कूल दाखिला खारिज के आाधार म नोनी के उमर 16 साल 03 महीना होना पाये गे। बिहाव के खातिर बाल बिहाव प्रतिषेध अधिनियम 2006 के मुताबिक नोनी के उमर 18 साल अउ लड़का के उमर 21 साल पूरा होना चाहि। करार उमर ले कम उमर म महिला/पुरूष के बिहाव करे या करवाये के स्थिति म सामिल अउ सहयोगी सबो लोगन अपराध के श्रेणी म आत हावय। जेला 02 साल तक के कठोर कारावास अउ 01 लाख रूपिया के जुर्माना या दुनों ले दण्डित करे जा सकत हावय। जिला बाल संरक्षण इकाई डहर ले अग्रिम कार्यवाही करत बालिका, उंकर महतारी पिता अउ परिवार वाला अउ ग्रामीण ल समझाईस दे गे के नोनी के उमर 18 साल पूरा होए के बाद ही बिहाव करय। सबो लोगन बाल बिहाव रोकथाम टीम के समझाईश म सहमति जताई।