सिनेमा.ए। अवइया फिलिम 'गहराइयां' के ट्रेलर रिलीज होगे हावय। जेन ल देख म काफी दिलचस्प हावय। 'गहराइयां' एक रिलेशनशिप ड्रामा हावय, जेमा आज के जमाना के रिश्ता के उलझन ल देखाये गे हावय। शकुन बत्रा के डायरेक्शन म बने ए फिलिम म दीपिका पादुकोण, सिद्धांत चतुर्वेदी, अनन्या पांडे, धैर्य करवा मुख्य भूमिका म नजर आही। संग ही नसीरुद्दीन शाह अउ रजत कपूर ह तको एमे अहम किरदार निभाए हावयं। 11 फरवरी, 2022 के अमेजन प्राइम वीडियो म भारत के संग दुनिया के 240 देश म फिल्म के वर्ल्ड प्रीमियर होही।
फिलिम 'गहराइयां' के कहानी गजब रोमांचक अउ इहि कारन ले येकर दिलचस्प ट्रेलर रिलीज ल दर्शक मन इंतजार करत रिहिस। ट्रेलर के बात करें त एमे आज के समय म कपल के रिलेशनशिप के अंदरूनी परत, युवा मन के जीवन के खास पहलु अउ अपन मर्जी ले जिनगी बिताने के इच्छा ल बखूबी प्रदर्शित करे गे हावय। फिलिम म दीपिका पादुकोण अउ सिद्धांत चतुर्वेदी के अफेयर तको देखाये गे हावय। जेन ल पहिली ले अपन आन पार्टनर्स के संग रिश्ता म हावयं फेर तको वो एक-दूसरा ले प्यार करथे। ट्रेलर म दीपिका-सिद्धांत के किसिंग सीन्स अउ डीप रोमांस के झलक साफ देखे ल मिलल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।