अंजोर.रायपुर.14 जनवरी। पंचायत अउ ग्रामीण विकास मंत्री टी.एस. सिंहदेव पंचायत विभाग डहर ले तइयार ई-पंचायत छत्तीसगढ़ वेब पोर्टल म चार मॉड्युल के शुभारंभ करही। वो 15 जनवरी के आयोजित ऑनलाइन कार्यक्रम म प्रदेश के ई-गवर्नेंस के क्षेत्र म डिजिटल रूप ले सशक्त बनाये, राज्य अउ केंद्र शासन के योजना मन ल पारदर्शिता के संग बढि़या क्रियान्वयन, मूल्यांकन, मॉनिटरिंग अउ प्रशिक्षण के खातिर एकेच प्लेटफॉर्म म संचालित सॉफ्टवेयर्स के शुभारंभ करही। जानबा होवय के पंचायत विभाग डहर ले लर्निंग वीडियोज के ब्रॉडकॉस्टिंग, गांव पंचायत सचिव के वेतन भुगतान, सर्वे अउ डॉटा पुनरीक्षण अउ विभागीय आदेश, अधिसूचना अउ अधिनियम ले संबंधित दस्तावेज के संकलन के खातिर चार मॉड्युल तइयार करे गे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।