नया रायपुर के किसान मनके समस्या के होही निराकरण

अंजोर.रायपुर, 12 जनवरी। नवा रायपुर के प्रभावित किसान मनके समस्या के लघियात निराकरण के खातिर पहल शुरू करके दे गे हावय। नगरीय प्रशासन मंत्री डॉ. शिवकुमार डहरिया अउ घर अउ पर्यावरण मंत्री मोहम्मद अकबर ह बड़का अधिकारी मनके बइठक लेके किसान मनके समस्या के निराकरण के संबंध म गोठबात करिस। मंत्रीमन ह समस्या के निराकरण के खातिर सकारात्मक हल निकाले के निर्देश दिस। ओमन ए संबंध म मुख्यमंत्री के अतिरिक्त मुख्य सचिव सुब्रत साहू अउ एनआरडीए के मुख्य कार्यपालन अधिकारी अयाज तंबोली ले विस्ता्र ले विचार-विमर्श करिन।