नगरीय प्रशासन मंत्री ले व्यापारी संघ रायपुर के प्रतिनिधि करिन मुलाकात

अंजोर.रायपुर, 19 जनवरी। नगरीय प्रशासन अउ विकास मंत्री डॉ. शिवकुमार डहरिया ह किहिन हावय के हमर आस-पास के परिवेश स्वच्छ रिहिन येकर जिम्मेदारी हम सबो के हावय। हमन ल अपन शहर के स्वच्छ रखे म हर संभव सहयोग देना चाहि। नगरीय प्रशासन मंत्री के कार्यालय म व्यापारी संघ रायपुर के प्रतिनिधि मन ले गोठबात करत रिहिन। व्यापारी संघ के प्रतिनिधि मन ह  पूर्व विधायक चंद सुंदरानी के अगुवई म नगरीय निकाय के यूजर चार्जेस कम करे के संबंध म मंत्री डॉ. डहरिया ले गोठबात करके ओला ए संबंध म ज्ञापन सउपिस। 

नगरीय प्रशासन मंत्री डॉ. डहरिया ह बताइन के छत्तीसगढ़ म दिल्ली, मध्यप्रदेश अउ आन राज्य ले यूजर चार्जेस कम हावयं। ओमन बताइन के आवासीय अउ व्यवसायिक यूजर चार्जेस के दर छत्तीसगढ़ म आन राज्य के अपेक्षा कम हावय। ओमन व्यापारी ले गेलौली करिन के हम सबो ल शहर के स्वच्छता के खातिर योगदान करना चाही। ओमन व्यापारी ले किहिन के उंकर डहर ले जेन यूजर चार्जेस के संबंध म बताइन गे हावय उंकर संबंध म जेन उंकर हित म होही वो म विचार करे जाही।