अबूझमाड़ के विकास के दुवार खोलिस मुख्यमंत्री दाऊ भूपेश बघेल, छिंदनार पुल बस्तर ले अबूझमाड़ जोड़ही

अंजोर.रायपुर, 25 जनवरी। दंतेवाड़ा जिला म इन्द्रावती नदी म 47 करोड़ रूपिया के लागत ले बने छिंदनार पुल ल बस्तर अंचल के जनता-जनार्दन के समर्पित करके पूरा बस्तर अंचल सहित अबूझमाड़ के विकास के एक नया द्वार खोल दे हावय मुख्यमंत्री। ये पुल दंतेवाड़ा, बीजापुर, नारायणपुर, बस्तर जिला के अउ बस्तर के अबूझमाड़ ले जोड़ही। मुख्यमंत्री ह किहिन के छिंदनार के ये पुल कोनो साधारण पुल नहीं, बल्कि ये बस्तर ले लेके अबूझमाड़ तक के विकास के असाधारण पुल हावय। येकर जरिए विकास के किरण अब अबूझमाड़ म पहुंचे लगे हावय। ए पुल के बन जाये ले इंद्रावती नदी के दुनों कोति के न सिरिफ गांव जुड़े हावय, बल्कि येकर ले विकास अउ बुनियादी सुविधाआम जनता तक पहुंचे लगे हावय। मुख्यमंत्री ह छिंदनार पुल के लोकार्पण के मउका म दंतेवाड़ा जिला के 251 करोड़ के 814 विकास अउ बनाये बुता के सौगात दीस। मुख्यमंत्री भूपेश बघेल ह ए मउका म कटेकल्याण अउ कारली म नव स्थापित डेनेक्स गारमेंट फैक्टरी के तको उद्घाटन करिन। 

दंतेवाड़ा जिला म एक साल के भीतर ये दुनों गारमेंट फैक्टरियों के मिले कर कुल चार नवा फैक्टरी सुरू हो चुके हावय। येकर ले पहिली हारम अउ बारासूर म गारमेंट फैक्टरी सुरू होए रिहिस। गारमेंट फैक्टरी के माध्यम ले अब तक 30 करोड़ रूपिया के कीमत के कपड़ी के आपूर्ति पूरा देश म करे जा चुके हावय।   

कार्यक्रम के जिला के प्रभारी मंत्री अउ उद्योग अउ आबकारी मंत्री कवासी लखमा अउ सांसद दीपक बैज अउ विधायक श्रीमती देवती महेन्द्र कर्मा, बीजापुर विधायक विक्रम मण्डावी ह तको संबोधित करिन। ए मउका म जिला पंचायत अध्यक्ष सुश्री तुलिका कर्मा, जिला पंचायत सदस्य सुश्री सुलोचना कर्मा, पार्टी पदाधिकारीगण अवधेश सिंह गौतम, शकील रिजवी, वीरेन्द्र गुप्ता, विमल सुराना, सुभाष सुराना अउ आन जनप्रनिधिगण, पुलिस महानिरीक्षक आनन्द छाबड़ा, पुलिस महानिरीक्षक बस्तर रेंज पी. सुन्दर राज, आयुक्त बस्तर संभाग श्याम धावड़े, कलेक्टर दीपक सोनी, पुलिस अधीक्षक सिद्धार्थ तिवारी, सीईओ जिला पंचायत आकाश छिकारा सहित बड़ संख्या म ग्रामीणजन रिहिस।